PALO ye pahami ahulu ya bayahi bapila mwa sikiliti sa Kavango haina limbule za mezi a kenile kubeya limbule za mutabani ni limbuzi.

Palo ya batu ye taluswa kuli kiye tokwa lisebelezo ze kaufeela I likana 196 856. Palo ya batu bapila mwa sikiliti sani I yemi fa 223 700. Ze kaufeela neli kilwe za patalazwa biki ye felile ki muina situlo wa katengo ka Namibia Red Cross Society mwa sikiliti sani, mutompehi Gerson Gorasab kwa mukopano ono kwalula simubuso purojekiti yeta tusa ka mezi a kenile, limbule za mutabani ni makete mwa libaka za matakanyani. Kakulo ye ne bezi ten`i kwa munzi wa Mavanze libima ze 15 mwa mbowela wa tolopo ya Rundu.

“Naha Namibia ki naha yena ni mezi a manyinyani kacwalo purojekiti ye ita maata lilimo ze nee mi ki purojekiti yeta iswa mwa libaka ze sina mezi hande,” ne kubulezi Gorasab.
Kakuya ka Gorasab, purojekiti I susueza makete mwa munzi wani mi kuta yahiwa limbule za mutabani ze likana 300 kubeya limbule za mezi ze 50.

“Kuli purojekiti ye I kone kuzamaya hande, lu tokwa swalisano ya sicaba mwa lilimo ze talu ze taha. Luta lika ahulu katata kuli lu kone kutusa sikiliti sa Kunene ni Ohangwena kakuli ki likiliti ze tokwa tuso ye ni zona mwa mazazi a taha.”

Ba katengo ka kopano ya macaba ka World Health Organisation ba biha kuli kuna ni palo ye likana 2.6 billion ya batu mwa lifasi kaufeela baba sina limbule zende za mutabani kubeya palo ya batu ba 800 million baba sina limbule za mezi a kenile hande.

Ka zona lika ze kaufeela, palo ye likana 2 million ya batu ba timelanga han`ata silimo ni silimo baken`i za kutokwa limbule zende za makete. Baba taselizwe ahulu ki limbututu ze nyinyani za lilimo ze mwa tasa lilimo ze ketalizoho.