Xoa-aos: Magreth Nunuhes

׀AE║GAMS – ׀Nîn ‘!Norasasib !Khams ׀gôan’ din hîa ge ׀awa!namn audob !nâ ╪oago wekheb !nâ !naosa in din, nē audob ge ║khāti Hans Dietrich-Genscheri tsî Independence !Gan hâkha ║hôas !nâ a !khubusenn ge ra mî, ║nā audob !nari-aob ge !khaukhoe-i khami gere !narisa ׀gaisa !garisib ║ara╪uisa tamase.

Nē ╪khamkhoen ra mîsa !oab ge ­║nā !nari-aoba kaise ╪ōo!nâse ­în !oagu gere tanisen, !nari !garisib âb kaise a !gari ti soagu ai. Nē !nans ge New Eraba ge mîba, ׀ons âban a ׀ū ׀awa!nammi nēb hîa ge ׀guri hâ ib ge koro tarekhoedi, ׀gam tarekhoera tsî gam ╪khari╪gôaron tsîna ║în !gae׀khādi hoadi ׀kha Monte Cristo !Ganni !â!âb tawa ║aupexa 17:00 sī ge !naokhâi ║înab nî NamRights Liberty Senters hîa Windhoek Wes !nâ ╪nôas tawa !nao║nâse. ║Nā senters tawan nî ║goe╪khai ­║nā!oe ║în ge !oega Swapo !Nans Dana Berosa xu a !haebēhe timî tsî ge ║nāpa hâ i ‘!Norasasib !Khams ׀gôana’ nî sī ║haose ge a !naohe khoedi ge.

Silka Sylvanus, hîa ge tsûb !nâ Katuturas ╪Hanusi ׀Ae║gâus di ╪Ō╪ōsib ׀ae!khō!nā-oms !nâ ║goe is, ׀Ae║gams ║Aegub ׀Aedī║gâus ║gas nî !nari-ūheses ge ge mî, ║­îde ge !narihâ i ׀awa!nammi ge !garise !nari tsî xawe nau audon tsîna ­║ae tamase garu gere !gao !khaisab nî hâs ai!â.

“Sida ge ­║îba gere ╪gan, îb ╪au╪au xaweb ge ­îba ge mîba da sida ׀guis khami ī mî-am!nâ-i tsîna ­îb !nari׀gaub ׀kha ūhâ tamasa tsî da ║nā-amaga mâtib nî !narisa ­îba mîba tidesa,”tis ge ­║îsa ge mî. ║Îs ge !aru׀î a ׀aros ge, ║nā !hoas khao!gâdi ge sao rase ׀gaisa ׀ōb audo-i dib ׀guiba a ║nâusa tsîb ge ║îdi audoba !khubusen tsî !nammi ai a ║goesa.

Martha Katshenyes, ­║îs tsîn ge Sylvanus xō׀khā ׀ae║gâus tawa ║goe is ge ge mî, ║îs ge ׀gaisa !hurib !aroma a ׀ae!khōhesa. ║Îs ge ║nāpa ge mî, Mantax!oes hîan ge ­║îna ║garis !naga ׀awa!namn xa Swapo !Nans Dana Berosa xu a ūbēhes, ║nāpan ge ׀gaisa ╪noagudi !nâ ׀awa!namn ׀kha hâ tsîs ge nēsa ega !khams kōse a sī!nâs !nâs ge ║îsa kōma ׀nūb tsî !naob ai ╪nauhe tsî !hūb ai ׀gaisase a ╪hā║guihesa.

“Sida ge ra ╪gom, nē ║gui╪ams sida !gams ai hâsa,” ti-i ge ׀gui ║ani-i ║nā ׀gôan di-e ge mî. Khoe-i ge nausa nēti ī audotsūke!gâb !nâ ûiba ╪oa!nâ tamas ka io ║khō║khōsase tsû tama hâ tsîn ge ║nān hîa ge tsūke!gâb khao!gâ ׀ae║gâus !nâ ū׀garahe hâ in tsîna sao ra ║goa ge xūhe. Nē !nans di ╪gae╪gui-aob, Shekupe Mutilifab ge ge mî, ׀guib a tsûsa tsîb ║îba nēsi Audo Tsūke!gâb ╪Gaesa(MVA) xu marisihuiba ra ╪gaosa.

!Nāsa !gāsasib !aromab ge ׀gū׀khāhe soab aib ge Nampols Dana Inspekteri, Hofni Kandjimiba ║nā ׀hae ╪hôan hîa ra mîn ׀awa!nammi ge !garise gere !nari tina ׀ūxu tsî ge mî ׀nî inspekteri, Iipingeb hîa ge nē audob !gâb ai !narigaru ib tsîn ge !khō-am tsî a mîsa !garise !nari-i ge ׀khai i !khaisa. ׀Guis khami i !aroma-i tsîn ge ge ׀khai i nē audob nî !garise !naribahes di-e, tsî i ga hâna ti ī hâs tsîna i ge ׀gau-e a ׀khai ║în !gâb ain !naosa hîa !nari-aob ׀kha ga !hoa ­║khā hâs di-e, nē audob di ais׀khāb tsî khaos׀khāb hâkha ║­aegu i mû╪uidao-e a ׀khai xui-ao. 

Denstaxtsēkam ­║goaga i ge nē ׀gôan tsî ׀awa!namn ║aegu ║nâusāgusa ge hâ tsî ׀ases tîmîs ai ╪khôaba gere ­║goe, ׀gôan ge an tā Swapo !Nans Dana Berosa tawa ׀gūs tsîna ║khawa hî ti a ╪gō׀auhes khao!gân ge ║nâumāsen tama gere ī xui-ao. ║Aupexa 50 ׀awa!namn hîa ׀ō-aisa ║Khaubasens ׀gaib ║anina !khō╪gā hâs, Nampols tsî ׀Ae║gams !ā!khōmais ׀awa!namn tsîn ge NamRights Liberty Senters hîa Windhoek Wes !nâ ╪nôas !auga ge sī ║nā ׀gôan hâpa.

║Gui╪ams nē ׀awa!namn dis ge, in nē ׀gôana ׀gam audokha !nâ !nao tsî Swapo !Nans Dana Beros tawa sī-ū ­în xūn âna si ū tsî bē, xawen ge ׀nîna nēsa ge ma!oa tsî ׀awa!namn audon ain nî ╪haros xan aitsama nî ׀nū!gû timî tsî ge ╪khā. !Naga╪nôa Kommisareb, Andries Van der Byli ge ׀gui timî tsî a mîma nî, ║în !aru׀î Swapo !Nans Dana Berosa tawa hâ tidesa, ║în xūnan ga sī ūtoas khao!gâ, on ge nē ׀gôana ge !autsaotsoa ”Sida ge Swapo !Nans Dana Beros tawa nî hâ׀gara”, “Mâpa da ra ī?”, “Sida ge a Swapo”, “Swapos ge a sida omari.”

“׀Guis khami ī Swapo !Nans Bero-i, ׀guis khami ī ╪hanub !khai-i tawa du ge ׀gū tide. Nēs ge ti ║gui╪amsa tsî nî ti !gû║nâ,” tib ge Van der Byla !aun ra hîa ge mîba nî.

║Îb ge ge mî, ׀Awa!namn Inspekter-Xenerali, Sebastian Ndeitungab di ║gui╪ams !naga gu gere sîsensa, xawe !aru׀î nēs xa khora╪uisa dī tama ge i tsî ╪hôare-aon ׀kha !hoasa ge ╪khā. Nē ׀gôan ge ║khawa NamRights Liberty Senters tawa sī tsî ge mî, ║în ║nāpa nî !âu׀garasa ╪hanub ׀khāba xu nî ║­în !gomsina !gâ khoe-i nî sīs kōse. NamRights di Direkteri, Phil Ya Nangolohb, ge ׀awa!namn tanisens nē ׀gôan !oagusa !haraxū tsî ge mî, ║în ga ׀gora!gâ!khaib mā-amsa ôahâsa nē ׀gôana Swapos dana berosa xu Mantaxtsēs ai ūbēs !aroma.

“Sadu ╪hanub ge Swapo beros tawa sī tsî sadu !ereamde !âusa,” tib ge Phil Yaba ge mî tsî noxopa ׀aro tsî ge mî, ╪hanub ׀khāba xu-i ga  khoe-e sī tsî ║în !gomsiga sī !gâba nî hâsa.”Hanan ga ­║îna !ereamna mā du ╪gao tama i, o nēpa oa׀khī,” tib ge ge ׀gon׀gon!gao. Nē ׀gôan ge ׀gam wekhekha ║aeba Swapo !Nans Dana Berosa tawa sī ╪naumâi tsî ║goe ║nāpan ge ╪hanuba ║aeba mā tsî a mîse in sîsenga māhe tamas ka ion ║nāpa xu khâi tides