RUNDU- Age kakere gumwe  kasikeme asi muhorowoli  nokumuhorowora, pevengo lyomukwatakanesi Vincent Likoro, kavamuhorowere hena ngomugwanekedesi mbunga zaSWAPO momukunda Kavango. Epongo kalitamekere moutano ano kuyahaga nye momapeu omu Vincent Likoro kavamuhorowere asi mugwanakadesi gombunga esi momukunda Kavango.  Vincent Likoro kavamutegwidilire mevango olyo sikando sautatu konyima apa kafundire ogu karumbasanene nendi Victoria Kauma nomazwi gatatu.

Efundo lyendi kaliwizire paapa kavakere nepongo lyautano lyombongarero zakahurako momukunda, modoropa zaRundu mosikondovike nositumburea asi Kuza komeho nekondjero economi. Ano mugavi mbudi ogu kakere asi gelike kwato murumbasani mukwawo Eric Tjandja, nage kagwene nye evango lyendi ano mupulnguli simaliva Engelbert Muyenga nage kafundire evango lyendi apa kafundire ogu kavarumbasanene nendi Mathilde Shihako.

Likoro apa kafundire kahundilire nye eruganeno kumwe novahameni wombunga zaSWAPO momukunda posiruwo esi vana mupe hena nonkondo asi yige nakara muwapayiki nomugwanekedesi yiviyauka yombunga ezi zaSWAPO momukunda Kavango.

Likoro kauyungisire vahameni wombunga ezi omu kavakere vanazwida evango eli kavapongerere, konyima tupu apa kapwekere mekero lyokuzumbanesa nomazwi gatatu, omu kayikere asi age kagwene 39 ano Victoria Kauma age kagwene 36.”Nsene totumono taturugana epuko mosiruwo esi tuna kara asi momberewa tuhedera nokututantera asi oyo muna kurugana epuko”. Yimo ana kuhundira. Nayidiva asi vantu vamwe ngomu horeka mapiko getu makura mukagarugaruganese komahoroworo gana kukawiza. Diworoka asi ove kapi ono kuzongura Likoro nye ove kuna kuzonagura mbunga zaSWAPO. Ehundiro lyendi lyokuruganena kumwe kavalitambwire owo kavakere mepongo lina, nye Likoro kuna kumoneka asi takanana noudigu kovahamenimo womomukunda kombunga ezi ava vana kutamangera asi sili kuvhura akayivhure ndi? Madigu gamwe kuna kara rutjeno rook nokonomukunda doponze, nonzira, uhaku ntani erongo eli lina kara asi kuna kumona udigu ramabngako ekungo yimuna yomowiza.

Likoro kapi ana kureta malisinto gomanene nye kuna mutamba tupu etumburo asi kutwikira komeho. Mbunga mpangeli kwakara nokupangera konyara noperesenta 84% nye kuna pumwa ngesi ekeverero lyonoperesenta odo. Siuyungwa saLikoro sokuhundira eruganeno kumwe kuna kuliza konyara nepongo eli lina tamba mbunga ezi zaSWAPO kehagero lyomvhura. Mbunga ezi kazikere asi zina hafa, mepongo eli kavayitambwire asi mahoroworo kuna gendipo nawa. Eyi kuvhura kuyimona nampili komewo vagagave yitundwamo eyi kageve Nkuru Ministera gona Marco Hausiku, ogu gakara asi yige munasipundi sokomitiye ezi vapa sinka kuhamena mukunda Kavango.