Xoa-aos: Lorraine Kazondovis

׀AE║GAMS - ║Aupexa 6 000 xoamâisa !gae-audon ׀Ae║gams !nân ge nē ║­aeb !nâ suwuse ╪khawadī-aon xa ra sîsenūhe, ╪khawadī tsî !naribēs tamas ka io !nari-aon tsî !narisaxūna !nari-ūs !aroma. ׀Gū║ae ge ׀Ae║gams !nâ a !nurihe !nae!khais, ai!âkam ║anis Parlements dis, Nora Schimming-Chase oms tawa ge ai!â gere ╪oa sâ║ae hâ i khôa╪gâs tsîn ge ║nāpaxu ║nā !narisa xūna, !gae-audos hîa V68 ti hâ !gôasa ūhâs !nâ a !naribē-ūhesa.

׀Ae║gams !Ā!khōmais ׀Awa!amn Danab, Abraham Kanimeb ge ge ╪an!gâ, !gae-audodi !nāsa ║aeba ╪khawadī-aon xa ra sîsenūhesa ╪khawadīb ׀kha !gae║aresa ūhâ !khaiga xu !naribēs !aroma. ║Îb ge a mîs ge, !nāsa ╪khawadīb !nae!khaidi hîa ­║îgu beros tawa a !nurisan !nâ di !gae-audode a !âsa.

“║Nāpa di ge kaise ׀oro !nae!khaide hâ !nari-aob ║khāti a ║nā !gae-audos di ╪hunuma ׀honkhoe !khais dide, xawe !nāsa soadi !nâ gu !nari-aoga ╪hunuma ׀honkhoen ╪ans ose nēti ī ╪khawadīb !nae!khaidi !nâ a !âsa,” tib ge Kanimeba gere ║gui!ā. ׀Nî !gae-audo !nari-aogu ge ╪khawadī-aona ║nāti ī ׀awe║guisa ║an║guigu ╪khawadīb !aroma gu tawa sī ra !nao║nâ tsî khôa╪gâdi tsî hâ nî ╪khawadīb ga dīhetoas khao!gâ ║khamihe tsî sī ║khawa ra !naokhâi Kanimeb ra mîsa !oa.

║Îb ra mîsa !oagu ge nē !nari-aoga ׀guis ti ra mî xū-i tsîna ║ae tama hâ ║îgu ╪hunuma ׀honkhoe tama nē audodi diga amaga. Nē !nari-aogu ge !nāsa !nāde ׀hōsan âgu xa ra ╪gae╪hawuhe, mîbahe gu ra amaga, ║îgu !nāsase ║îgu di ītama ║khâkorobe !khō!oamaris N$1400 dis xa !nāsase nē ׀awe║guisa ╪khawadība xu nî !khō!oa ti.

׀Ae║gams !Ā!khōmais ׀Awa!amn Danab ge ║îb ║nā khôa╪gâs, Nora Schimming-Chase oms tawa ge ai!â gere ╪oa sâ║ae hâ is !nâ ge !â i !gae-audos ׀honkhoe-i tsî !nari-ao-i ׀onde ╪an╪an tidesa, xaweb ge ­║îba New Eraba ge mîba, Nampols tawa di ׀onde ║goesa ôa!gaodi !aroma.

׀Khomas ׀Kharisi ׀Awa!namn !Naga╪nôa Komisareb, Sylvanus Nghishindimbwab ge ge mî, !nari-aob ║nāti ī !gae-audos V68 diba gere sîsenbab tsîn nē khôa╪gās ׀kha !gae║aresa ūhâse ge !khōhe ╪âisāhe ra khoegu di ׀guisa.”Hoa║ae tamas ge !gae-audodi ׀honkhoen ╪ansa tani hâsa mâpas ║î-i !gae-audosa ra hâma-ūhesa hânan ega sī nî ║nâus kōse audos ׀awa!namn tawa mâsa,” tib ge ge ׀aro. Nghishindimbwab ge !gae-audodi ׀honkhoena gere ׀awemā in hoa║ae ║în audodi xa !nāsa ╪ansa tani tsî ║gui-ai !nari-aoga îs audosa mî║guisa ║aeb ai ׀honkhoe-i tawa oasī tsî ║nās !nâ-ū ║khaehe ║khā tsî ╪anapega !nae!khaina ׀ari╪ui.

“׀Honkhoen, nēti ī !gae-audodi din ge ║în !gaehâ !nari-aoga ׀khamasa !ommi !naga nî ū׀gara ║în ׀guin ׀gaisase nē audos ra ׀awa!namn xa ╪gae║nâhe tsî ū׀garahe soab !nâ ╪oa!nâsa ra hō!â xui-ao, ׀nî ║aegas nē audosa ║nā ╪khawadīb ║hōb ׀guitsē sī nî toas kōses tsîna ║nāpa a ū׀garahe ║khā amaga,” tib ge Nghishindimbwaba ge mî.

“║Nāpa i ge ׀guis khami ī xoa║gui-i mâ║­aeba xu mâ║aeb kōse ׀gui di !gae-audode nî !narihes di-e a ׀khai tsî di ge ║nā-amaga ׀nîde hoaraga tsuxub tsîna ra !nari╪khaihe,” tib ge Nghishindimbwaba mî tsî noxopa ge ׀aro, ׀awa!namn nē audon di !norasase !narimas diba ׀guis khami ī ׀gau-i ais tsîna a ╪khā ║oasa. Kanimeb ge !aru׀î a mîs ge kai!gâ xoamûdi !nâ hâ xoamâisens !gôas ra ║îga huisa suwuse nēti ī !gae-audosa hōsa ║îs ga ╪khawadīb tamas ka io ׀nî hâ xū-i !aroma a !nurihe soab !nâ tsîs nēsa ║îgu !gae-audode nî gao╪am-ai ti ╪âibasen tama hâsa.

!Naga╪nôa Komisareb, Sylvanus Nghishindimbwab ge ╪gansa !gae-audode ra sîsenū khoen ai ge dī, in audos !gôasa hoa║ae xoa║nâ tsî ╪khawadī-i nî !nurihes karao ׀awa!namna hui ║khā. Nēs xō׀khāb ge Nghishindimbwaba a ׀gon׀gon!gao !khais ge, hoa !gae-audo !nari-aogu ׀hôakao xūn ׀kha mâ tama hâsa. “׀Nî !gae-audo !nari-aogu ge khoen hîa gu ra !naon xa ║îgu tsîna !apun ׀kha ║gâimâihe tsî marina ra ū׀hanahe,” tib ge ge mî. Kanimeb ge ׀Ae║gams ׀hûhâsib khoen ais tsîna ╪gansa ge dī, in ׀hôakao tamas ka io ╪hanu tama ║axasin ׀kha mâ !gae-audo !nari-aona !nuri ׀Ae║gams !Ā!khōmais ׀Awa!amn !gôas 302 302 tawa tsî xoamâisens !gôas hîa ║nā !gae-audos ai ╪aomâisasa mâ!kharu. Kanimeb ge ║khāti ╪an!gâ tsî ge mî, ׀nî !gae-audodi ama tama !gôade audodi ai ra sîsenūsa ╪khawadīb ║axasin ׀kha ai!gûs !aroma, xaweb ge ║­îba a mîs ge, nē !gomsib kaise ׀oro !gôab ׀guiba !khō╪gā hâsa, ║­îgu !haese ║nāti ī  !gôade a ╪an╪ui ║khā xui-ao.

׀Ae║gams !Ā!khōmais ׀Awa!amn !Naga╪nôa Danab, Adam Eiseb ge ge ╪an!gâ 6 492 xoamâisens sertifikatgu ge !ā!khōmais ║garagu !oagu bēgu, ╪khari-audon tsî kombigu tsîn ׀honkhoena a xoa╪uibasasa. “║Nās ge hoa audon hîa khoena !nari!oabade ra māna !khō╪gā hâ, ║khami tsîts ra ╪gai !gae-audodi tsî shuttlen tsîna ╪oa tsi,” tib ge ge mî.  Eiseb ge ge mî, ­║îb ra ׀haes !oagu di ║aupexa 6 000 !gae-audode ׀Ae║gams !gangu !nâ a ║axasa.

Namibiab Bēgu tsî !Gae-audo !Gae║ares (Nabtas) di presdidenti, Magnus Nangombeb ge nē !khais ׀kha ׀hû׀gui tsî ge mî, ׀honkhoen nēti ī !gae-audon din Nabtas ║anise a xoamâisa !khaisa ­║în !gaehâ !nari-aon ose.