MAPOKOLA neba konile kuamuha libangoki masaka a malalu a matokwani a kona kulekiswa ka pene ye likana N$242 190 fa makululu. Masaka ki a buima bobu likana 280 730 kg.

Bayahi babalalu ba naha South Africa neba konilwe kuswaliwa kuamana ni ona masaka a matokwani a. Baana babeli bona neba swalezwi mwa tolopo ya Gobabis ha mutu yana swanela kuamuhela masaka a babeli kuona a, yena na konilwe kuswalelwa mwa mulenen`I wa Windhoek.

Mapokola neba konile kusebelisana ni mapokola ba naha South Africa. Kakuya ka mupokola Deputy Commissioner Peter Ndokosho, mapokola ki bene ba konile kusebelisana ni mapokola ba naha South Africa mane ni mapokola ba naha ye baba sebeza mwa tolopo yani ya Gobabis.

Simbayambaya sesi tuna sa lin`olisa la naha South Africa nesi kilwe sa bonwa ki mapokola biki ye felile mwa lihola za kakusasa mwa upa wa tolopo ya Gobabis.

Kakuya ka Ndokosho, mapokola neba konile kuyemisa simbayambaya sani ni kueza musecho ono konile kufumana masaka ani mwa motikala.